Oasa de bëgnester
Nodadoies, saunes, bagns türcs,
zones relax y soluziuns por le wellness
Ventilaziun
Les mius tecnologies por
le condizionamënt dl’aria daite
Scialdamënt
Döt le cialt che i orëis por
n comfort y n sparagn mascimai
Nosta aziënda
Bëgngnü pro Termoclara
Bëgngnü tl‘era nöia dla climatisaziun y dl scialdamënt! La dita Termoclara é gnüda metüda sö tl 1964 dal idraulich y imprenditur Alois Clara y é spo gnüda surantuta dal möt Elmar tl 1996, do la mort premadüda de so pere. Cun impëgn y dediziun á la dita svilupé inant süa ativité de termoidraulica, arjunjon traverc tres plü importanc y deventan n punt de referimënt por la Val Badia, Gherdëna y la Val de Puster. Do passa 50 agn d’ativité pó Termoclara dí d’avëi l’esperiënza y la competënza che vá debojëgn por afronté vigni proiet de scialdamënt, ventilaziun y wellness.
Le team de Termoclara é metü adöm da incër 10 colaboradus, danter idraulics y tecnics spezialisá: na scuadra al’altëza da sodesfá les esigënzes de privac, aziëndes, strotöres dla hotelaria, restoranc y deplü. Sciöche desmostraziun dla orenté zënza fin de mioramënt, pó Termoclara mostré sö reconescimënc ofiziai sciöche l’atestaziun de cualificaziun por l’esecuziun de laurs publics SOA. Gní da nos ó dí se lascé sön n partner cualifiché, arjigné a vigni intervënt por ora y tëmp y tl respet di bojëgns de vignun.
Consulënza
Ispeziuns, consulënza y proietaziun „tles tla man“
Istalaziun
Sorvisc complet de istalaziun, modifica y colaudo de implanc
Sorvisc
Assistënza y suport tla manutenziun, sostituziun de toc y tl control di laurs fac
De parora
Tres dlungia por vigni emergënza, ince de nöt y tratan le fin dl’edema.
Scialdamënt
Le plajëi de n cialt sann y da sté saurí
Le scialdamënt é por nos de Termoclara n impëgn detlaré bele te nosc inom. „Termo“ ó dí consulënza, proietaziun y realisaziun de implanc da scialdé l’aria y l’ega te abitaziuns, locai comerziai y industriai de vigni grandëza. Nosc laur mët man cun l’ispeziun söl post y vá inant ti agn cun n sorvisc che assigurëia deplëgn la funzionalité di implanc istalá.
I laurun cun soluziuns desvalies che vá dai sistems de scialdamënt tradizionai a gas a sistems alternatifs de avanguardia por che che chir standarg plü alc de sparagn energetich. Danter chisc él implanc de scialdamënt cun pellets, ziples y implanc termics a sorëdl. N’atenziun particolara ti vëgnel dé ala normativa CiasaClima varënta da jená dl 2017 incá tla provinzia de Balsan, che vëiga dant n arbassamënt dl bojëgn energetich a manco de 30kWh/m2 al ann (ciasa classa A).
La formaziun y l’ajornamënt costanc é por nos y nüsc cliënc na garanzia y n sinonim de laurs fac sciöche al alda, ince ti contesć plü ri. Te nosta oferta él spo sambëgn ince le sorvisc de domanda do finaziamënc y alisiraziuns fiscales por intervënc de recualificaziun y por n’adoranza energetica plü efiziënta.
Ventilaziun
Aria nëta y frësca döt l'ann
La ventilaziun é un di faturs essenziai por mantigní l’aria di ambiënc tres nëta y frësca. Aldedaincö depënn tröpes maraties dles vies respiratories da na stleta zircolaziun y filtraziun dl’aria, sides te ciasa co t’ofize, te palestra o te d’atres sorts de locai. Por chësta rajun é la ventilaziun zentralisada y dezentralisada danter les priorité dla CiasaClima y de abitaziuns o infrastrotöres cun carateristiches energetiches desvalies.
Tratan nüsc intervënc vëgnel puzené les condütes dal’aria, al vëgn baraté fora i filtri di termoconveturs y di aparac de ventilaziun, y istalé implanc nüs „all inclusive“ cun l‘istalaziun y le colaudo fac dala medema dita. Te düc i laurs se dá le design y les prestaziuns energetiches la man, dilan ala seleziun de despositifs de avanguardia. Se gode aria frësca y sana döt l‘ann é n obietif concret, sigü y saurí da arjunje. Damana do n preventif debann y zënza impëgn!
Oasa de bëgnester
Ega y tanf por n relax total
La dërta proietaziun y istalaziun di implanc é pert de nosc laur ince por ci che reverda les zones relax y l’area wellness. I implanc che anuzëia l’ega por garantí le bëgnester dl corp, assigurëia n comfort mascimal y contribuësc ala valorisaziun dla strotöra. Por ci che reverda le consum, sunse bugn da limité al mascimo les emisciuns y i spaterlamënc dilan a dezijiuns proietuales mirades, sciöche l’anuzamënt dl’energia dl sorëdl por scialdé l’ega a cosć basc. Tratan i agn unse lauré sön cënc de cantiers te döta la Val Badia y tla Val de Puster, ti pitan a nüsc cliënc n suport asvelt dan, tratan y do i laurs.
I valutun zënza impëgn les idees de vignun por ciafé deboriada la dërta soluziun ales condiziuns plü convegnëntes, na manira de lauré olache i personalisun da vigni punt d’odüda vigni sorvisc. Oasa de bëgnester é la manira inovativa da interpreté l’idroterapia y le devertimënt t’ega: nodadoies, saunes y bagns türcs al’altëza di criters estetics plü nüs y funzionai. Dilan a nosta esperiënza podunse ves pité n gran assortimënt por SPA, hotí y zëntri sportifs, chirin ince te chësc caje les mius prestaziuns energetiches zënza renunzié ala belëza y al prestige dles istalaziuns.
